Con este día soleado de abril aproveitamos para facer unha saída pola contorna cos compañeiros e compañeiras de 3 anos A e así comprobar os cambios que se produciron coa chegada da Primavera.
De camiño polo Río Bispo vimos flores, bolboretas, cabalos e dentes de león; despois chegamos ao parque da tirolina onde nos merecíamos un pequeno descanso para merendar e xa logo viña o que con máis gañas desexabamos: XOGAR!!
Nesta xornada conmemorativa do Día Mundial do Teatro puidemos desfrutar dunha pequena obra de teatro escenificada por algún do alumnado do IES Johan Carballeira. As alumnas e os alumnos elexiron o conto de Rocío Bonilla "De que cor é un bico?" para axudarnos a descubrir de que cor pode ser un bico.
Despois visitounos Paco Nogueiras coa súa maleta chea de contos da editorial Kalandraka, a fábrica dos Libros para Soñar cos que nos fixo desfrutar moitísimo. Algún xa coñecíamos como o de "Violín" e "Tarde de Sapo" pero outros resultáronnos novos por iso estabamos moi atentas e atentos para non perder detalle da historia. Ademais, Paco Nogueiras é un "contador de contos" moi divertido porque acompaña os contos da súa música co acordeón.
Moitas grazas chicas e chicos do IES Johan Carballeira e Paco Nogueiras por facernos pasar un bo rato coa escoita dos vosos contos.
Hoxe tivemos a Rocío na escola do Progama Ponte a Zero para ensinarnos o significado das 3R: Reducir, Reciclar e Reusar.
Agora estamos máis concienciadas e concienciados de como temos que coidar onde vivimos para que non se poña enfermiña a Terra.
